Рымска-Каталіцкая царква мае вельмі важнае значэнне, яе ўплыў у беларускім грамадстве вялікі. Гэта адзначыў Прэзідэнт Аляксандр Лукашэнка сёння на сустрэчы з Мітрапалітам Мінска-Магілёўскім Архіепіскапам Тадэвушам Кандрусевічам. Кіраўнік дзяржавы наведаў Архікафедральны касцёл імя Прасвятой Дзевы Марыі. Гэтымі днямі тут праходзяць урачыстыя набажэнствы ў гонар светлага Вялікадня, які адзначаюць католікі Беларусі. Аляксандр Лукашэнка азнаёміўся са святочным убраннем касцёла, пагутарыў з вернікамі, якія прысутнічалі на набажэнстве, даведаўся аб праектах Каталіцкай царквы па будаўніцтве новых касцёлаў. Затым Прэзідэнт і Мітрапаліт правялі сустрэчу і абмеркавалі шэраг пытанняў, што тычацца дзейнасці Беларускай каталіцкай царквы. Кіраўнік дзяржавы адзначыў, што свяшчэннікам прыходзіцца ў святочныя дні працаваць больш, але гэтая праца ў задавальненне.
(Аляксандр Лукашэнка, Прэзідэнт Рэспублікі Беларусь)
(Тадэвуш Кандрусевіч, Архіепіскап Мітрапаліт Мінска-Магілёўскі)
Па традыцыі ў гэты дзень Прэзідэнт і Мітрапаліт абмяняліся падарункамі. Аляксандру Лукашэнку было паднесена ў дарунак першае выданне Евангелля на сучаснай беларускай мове, а Прэзідэнт падарыў Мітрапаліту велікоднае яйка, выкананае беларускім майстрам па ўнікальнай тэхніцы сожскай скані.