Аляксандр Лукашэнка, Прэзідэнт Рэспублікі Беларусь: Напярэдадні галоўнага дзяржаўнага свята - Дня Рэспублікі - мы ўспамінаем пра мужнасць воінаў-вызваліцеляў, якія выгналі фашысцкіх акупантаў з беларускай зямлі і падарылі свабоду і мір нашаму народу. Пра тысячы працаўнікоў, чыімі рукамі былі адноўленыя разбураныя гарады і сёлы. І ўшаноўваем сёння тых, хто годна прадаўжае слаўныя традыцыі вернага служэння Айчыне, яго абароне, умацаванню і ўсебаковаму развіццю. Цяперашняя цырымонія ўручэння ўзнагарод павінна нагадаць і пра тое, што ў мірным жыцці ёсць месца не толькі працоўным здзяйсненням, але і праяўленню гераічнасці. Мы ўручаем ордэн За асабістую мужнасць сям'і Ігара Іванчыка, міліцыянера патрульна-паставой службы галоўнага ўпраўлення ўнутраных спраў Мінскага гарвыканкама, які загінуў пры выкананні службовых абавязкаў, ратуючы таварыша. Для ўсіх нас ён назаўжды застанецца прыкладам адвагі і самаахвярнасці. Гэтая ўзнагарода - знак глыбокай пашаны да людзей, якія прысвяцілі сваё жыццё барацьбе са злачыннасцю і забеспячэнню правапарадку ў грамадстве. Важнай адметнай рысай цяперашняга ўрачыстага мерапрыемства стала тое, што сярод узнагароджаных прадстаўленыя айчынныя прадпрымальнікі. Яны ўзначальваюць калектывы прадпрыемстваў, назвы якіх ужо сталі гучнымі беларускімі брэндамі. Ордэны і медалі - гэтае прызнанне заслуг тых, хто стварае новыя рабочыя месцы, укараняе перадавыя тэхналогіі, папаўняе падаткамі бюджэт краіны, робіць важкі ўнёсак у развіццё сацыяльна-культурнай сферы рэгіёнаў і сталіцы Беларусі, клапоціцца пра рост дабрабыту нашых грамадзян.
Сярод узнагароджаных нямала прадстаўнікоў і дзяржаўнага вытворчага сектара эканомікі.
Аляксандр Лукашэнка таксама адзначыў поспехі таленавітых навукоўцаў, медработнікаў, лесаводаў, дзеячаў культуры, спартыўных трэнераў і пагранічнікаў.
