Беларусь па праве ганарыцца навуковай элітай краіны, і галоўнае наша багацце - гэта людзі. Сёння з такімі словамі Прэзідэнт звярнуўся да навукоўцаў, якія сабраліся ў Палацы Незалежнасці.
Тут прайшла цырымонія ўручэння дыпломаў акадэміка і члена-карэспандэнта Акадэміі навук, доктара навук і атэстатаў прафесара. Гэта прызнанне заслуг сапраўдных прафесіяналаў сваёй справы. Яны доўгі час працавалі над унікальнымі даследаваннямі, якія папулярызуюць беларускую навуку. Сёння адной з ключавых умоў паспяховага развіцця з'яўляюцца інавацыі ў прамысловасці і АПК, стварэнне новых матэрыялаў і тэхналогій у машынабудаванні і электроніцы, хіміі і біялогіі, медыцыне. Гэтыя сферы вызначаюць узровень жыцця людзей.
Прысуджаныя званні - гэта не толькі даніна заслугам, але і вялікі крэдыт даверу. Прэзідэнт не ўтойваў, што навукоўцаў гатовы падтрымліваць, але заўсёды чакаюць большага. Нягледзячы на ўрачыстасць моманту, Аляксандр Лукашэнка заклікаў навуковую эліту да адкрытых зносін - выкарыстаць гэтую сустрэчу для дыялогу. Размова за кубкам гарбаты спрыяла шчырасці. Прадстаўнікі навуковай эліты дзяліліся сваімі меркаванні на злобу дня. Гэта стварэнне навуковых школ у медыцыне, укараненне прамысловых распрацовак у вытворчасць. Напярэдадні Алімпіяды закранулі ролю спартыўнай навукі. Гаварылі і пра ўклад беларускіх розумаў у вырашэнне пытання харчовай бяспекі.
