Структура, функцыянальныя асаблівасці і стыль працы ўрада, а таксама пытанні лічбавізацыі эканомікі. Гэтыя тэмы сёння сталі ключавымі ў размове Прэзідэнта з першым віцэ-прэм'ерам Аляксандрам Турчыным.
Аляксандр Лукашэнка патрабуе выразнага захавання калегіяльнасці ў прыняцці рашэнняў Саветам міністраў, які будзе вызначаць не толькі стратэгію развіцця краіны. Урад павінен займацца рэальным сектарам эканомікі, спецыялісты павінны сваімі вачамі бачыць і аб'ектыўна ацэньваць працэсы на самых розных узроўнях.
Яшчэ адзін аспект размовы - развіццё IT-сферы, лічбавізацыя эканомікі і краіны ў цэлым. Зараз гучаць самыя розныя прапановы па далейшай мадэрнізацыі гэтага высокатэхналагічнага сектара, аж да стварэння міністэрства лічбавізацыі. Меркаванне Прэзідэнта: намаганні ў IT-сферу трэба ўкладваць сёння, каб заўтра атрымаць больш. Задача ўрада - выразна разумець дасягнуты ўзровень развіцця і далейшыя крокі, неабходныя галіны.
Таксама сёння стала вядома, што ў першым квартале 2019 года з удзелам Прэзідэнта адбудзецца маштабная нарада па развіцці лічбавай эканомікі ў краіне. Нагадаем, паўтара года назад Кіраўніком дзяржавы аб’яўлены курс на пабудову IT-краіны. Прыняты рэвалюцыйны дэкрэт аб лічбавай эканоміцы. Дзякуючы дакументу, экспарт паслуг у Парку высокіх тэхналогій упершыню перавысіў мільярд долараў, кратна павялічылася колькасць рэзідэнтаў.
