Прэзідэнт патрабуе аддачы і вынікаў ад беларускага хакея

Аб гэтым Кіраўнік дзяржавы заявіў сёння на нарадзе па развіцці ў краіне гэтага віду спорту. Аляксандр Лукашэнка адразу падкрэсліў: такая ўвага да хакея не таму, што ў гэтай сферы ёсць вялікія дасягненні або, як прынята гаварыць у грамадстве, ён сам гуляе ў хакей. Прычына ў тым, што гэты від спорту нараўне з футболам найбольш масавы. Кіраўнік дзяржавы крытычна выказаўся аб выніках гульні нацыянальнай хакейнай зборнай. Пакідае жадаць лепшага і гульня вядучага клуба краіны - мінскага "Дынама". Аляксандр Лукашэнка мае намер сур'ёзна разабрацца з тым, што адбываецца, бо ў развіццё хакея ў Беларусі ўкладваюцца немалыя сродкі. Cярод важных пытанняў - развіццё нацыянальнага чэмпіянату і падрыхтоўка рэзерву. Нагадаем, што менавіта Мінск і Рыга прымуць чэмпіянат свету па хакеі ў 2021 годзе.