Сёння Прэзідэнт Аляксандр Лукашэнка прадоўжыў маніторынг сацыяльна-эканамічнага развіцця рэгіёнаў. Кіраўнік дзяржавы наведаў з рабочай паездкай Брэсцкую вобласць.
У прыватнасці, Аляксандр Лукашэнка адправіўся ў Маларыцкі раён. Выбар Прэзідэнта не выпадковы: гэты рэгіён адстае па шэрагу пазіцый. У цэлым, у Брэсцкай вобласці не выкананыя 4 з 8 ключавых паказчыкаў эфектыўнасці. Нядаўняя праца Прэзідэнта на Гродзеншчыне і сённяшняе наведванне поўдня краіны гаворыць аб змене стылю і тактыкі рабочых паездак. Зараз у цэнтры ўвагі Прэзідэнта не прычасаныя аб'екты, а тое, што за кадрам, тое, што можа атрымаць сваё развіццё. Першым пунктам у маршруце Кіраўніка дзяржавы стала "Маларыцкая райаграпрамтэхніка". Гэта прадпрыемства не ў самым лепшым эканамічным стане. Прэзідэнт лічыць недапушчальным разбурэнне сэрвіснай інфраструктуры на сяле і даручае да 1 студзеня аднавіць сістэму райаграсервісаў ва ўсіх раёнах Беларусі.
У раёне Прэзідэнт азнаёміўся са становішчам спраў у малочнай жывёлагадоўлі на прыкладзе гаспадаркі "Савушкіна", а таксама сустрэўся і пагутарыў з жыхарамі Маларыты. Пасля Кіраўнік дзяржавы правёў нараду па пытаннях сацыяльна-эканамічнага развіцця рэгіёна. Так званую "Матрыцу задач для вертыкалі ўлады" Прэзідэнт паабяцаў кантраляваць рэгулярна. Падрабязнасці рабочай паездкі Кіраўніка дзяржавы - вечарам у "Панараме".
