Сітуацыя ў эканоміцы і знешняя палітыка сталі сёння цэнтральнымі тэмамі рабочай сустрэчы Прэзідэнта Аляксандра Лукашэнкі з прэм'ер-міністрам краіны. Міхаіл Мясніковіч далажыў Кіраўніку дзяржавы аб мінулым пасяджэнні кіраўнікоў урадаў Мытнай тройкі. У Астане Расія, Беларусь і Казахстан дамовіліся абараніць сваіх вытворцаў сельгастэхнікі і ўвесці загараджальную пошліну на імпартныя збожжаўборачныя камбайны. Авіякампаніі змогуць сур'ёзна абнавіць свой парк. Да 2019 года тры краіны адмяняюць увазныя пошліны на паветраныя судны. Прадметна цікавіўся Прэзідэнт бягучай сітуацыяй у эканоміцы краіны.
Абмяркоўваўся цэлы шэраг знешнепалітычных тэм, якія цягнуць за сабою эканамічныя пытанні. 7-8 кастрычніка Беларусь з афіцыйным візітам наведае прэм'ер-міністр Украіны. Перад падпісаннем Кіевам і Бруселем пагаднення аб асацыяцыі, мінскія сустрэчы стануць своеасаблівай зверкай гадзіннікаў у двухбаковых адносінах.
95 трыльёнаў рублёў укладзена з пачатку года ў мадэрнізацыю эканомікі. Дзяржінвестыцыі павінны ісці ў эфектыўныя праекты, акцэнтаваў Прэзідэнт. Падрабязна пра бягучую эканамічную сітуацыю ў краіне ўрад даложыць Кіраўніку дзяржавы на наступным тыдні.
