Будаўніцтва Гарлыкскага камбіната даказвае, што Беларусь умее ствараць сучасныя прадпрыемствы. Пра гэта сёння заявіў Прэзідэнт Аляксандр Лукашэнка, прымаючы з дакладам кіраўніка Савета Рэспублікі Міхаіла Мясніковіча. Спікер верхняй палаты парламента далажыў Кіраўніку дзяржавы вынікі свайго нядаўняга візіту ў Туркменістан.
У прыватнасці, пра ход будаўніцтва Гарлыкскага горна-абагачальнага камбіната. Завод будуецца на паўднёвым усходзе Туркменістана на адным з найбагацейшых радовішчаў калійных соляў. Работы вядуць беларусы, пры гэтым сутыкаючыся з шэрагам геалагічных асаблівасцяў мясцовасці. Але нават гэта не перашкаджае спецыялістам ісці згодна з графікам.
Старт гэтаму праекту Прэзідэнт Беларусі даў асабіста ў 2009-м. Падчас афіцыйнага візіту ў Туркменістан у будучы падмурак калійнага рудніка кіраўнікі абедзвух дзяржаў заклалі капсулу.
Асноўныя ж работы на аб'екце пачаліся ў 2012-м. Кошт кантракта на будаўніцтва камбіната пад ключ - мільярд долараў. Першую партыю руды прадпрыемства плануе атрымаць у сярэдзіне наступнага года.
