Прэзідэнт Беларусі Аляксандр Лукашэнка запатрабаваў ад новага Міністра энергетыкі Уладзіміра Патупчыка аптымізаваць працу Мінэнерга. Кіраўнік дзяржавы падкрэсліў значнасць гэтай пасады, бо менавіта ад энергетычнай сферы шмат у чым залежыць развіццё ўсёй эканомікі краіны. Таксама ўчора Прэзідэнт Беларусі даў згоду на прызначэнне Яўгена Воранава гендырэктарам кампаніі Белэнерга. Аляксандр Лукашэнка даручыў новаму міністру ўзяць ператварэнне ведамства пад жорсткі кантроль - ад рашэння бягучых пытанняў да стратэгічнага планавання. Асобна Кіраўнік дзяржавы спыніўся на пытанні, як зрабіць тарыфы празрыстымі за кошт скарачэння выдаткаў. Аляксандр Лукашэнка адзначыў, што сфера энергетыкі будзе ўдасканальвацца і надалей. Наперадзе праект вялізнай важнасці - атамная станцыя. У ліку прыярытэтных задач - мадэрнізацыя галіны, стварэнне канкурэнтнага асяроддзя і ў перспектыве - экспарт энергіі.
