13 апреля 2020
Прэзідэнт плануе ў найбліжэйшы час пабываць на вытворчасцях ахоўных сродкаў. Даручэнне падрыхтаваць пералік такіх прадпрыемстваў Аляксандр Лукашэнка агучыў на нарадзе з палітычным кіраўніцтвам краіны. Канкрэтныя задачы раней былі пастаўлены: аб'ёмы неабходна штодня нарошчваць, каб задавальняць патрэбнасці як медустаноў, так і аптэчнай сферы. Аляксандр Лукашэнка яшчэ раз нагадаў, што ключавое - гэта людзі, змагаемся за кожнага. Нельга забываць і пра пацыентаў з іншымі дыягназамі, яны таксама патрабуюць якаснага лячэння. Разам з тым Прэзідэнт заклікаў беларусаў падыходзіць да ўсяго ўзважана, у тым ліку ў пытанні выкарыстання сродкаў індывідуальнай абароны (відэа).
Наведванне храмаў не забароняць
Не абышлі бокам і велікодныя святы. У Беларусі забараняць наведванне храмаў не будуць. Аднак Аляксандр Лукашэнка лічыць, што з улікам эпідсітуацыі варта прыняць пэўныя меры засцярогі.