Напярэдадні праваслаўныя вернікі адзначылі адно з найважнейшых святаў - Раство Хрыстова. Ва ўсіх храмах Беларусі прайшлі святочныя набажэнствы. І па традыцыі Прэзідэнт Аляксандр Лукашэнка ў свята наведаў сталічны храм-помнік у гонар Усіх Святых. Кіраўнік дзяржавы разам з малодшым сынам Мікалаем усклалі кветкі да помніка Патрыярху Алексію Другому. У храме Прэзідэнта сустракаў Мітрапаліт Мінскі і Слуцкі, Патрыяршы Экзарх усяе Беларусі Павел. Разам з сынам Мікалаем і Мітрапалітам Паўлам Аляксандр Лукашэнка запаліў калядную свечку.
З нагоды свята Прэзідэнт і мітрапаліт абмяняліся падарункамі. Аляксандр Лукашэнка ўручыў уладыку Паўлу сервіз з малюнкам Мінскага кафедральнага Свята-Духава сабора. А Кіраўніку дзяржавы ў дар паднеслі копію старажытнага Евангелля. Калядныя падарункі ад Прэзідэнта атрымалі і выхаванцы нядзельнай школы Усіхсвяцкага прыхода.
