Cістэму вытворчасці і абароту лекаў у Беларусі трэба ўзяць пад жорсткі кантроль. Такое даручэнне сёння даў Кіраўнік дзяржавы падчас наведвання прадпрыемства "Мінскінтэркапс". На прыкладзе адной вытворчасці абмеркавалі развіццё ўсёй беларускай фармацэўтычнай галіны. Сёння яна аб'ядноўвае 37 арганізацый і прадпрыемстваў. Дарэчы, больш за палову ўсіх прэпаратаў у аптэках нашай краіны айчыннай вытворчасці. Як будзе кантралявацца выпуск лекаў, іх рэалізацыя і імпарт? Такую схему павінны выпрацаваць і прапанаваць Прэзідэнту ў першай палове 2018 года.
Фармацэўтычная галіна забяспечвае лекавую бяспеку краіны. Ды і цэны на беларускія прэпараты сёння больш прыемныя за імпартныя. Напрыклад, 40 % медыкаментаў айчыннай вытворчасці па цане ніжэй за два рублі. Разам з тым у галіны пакуль актуальная праблема пасрэдніцтва. З тымі, хто спрабуе зарабіць на розніцы ад перапродажаў лекаў, будуць змагацца, бо гэта часам уплывае на канчатковы кошт прэпарата ў аптэцы.
