Прэзідэнт падтрымаў прызначэнне Станіслава Зася на пасаду генеральнага сакратара АДКБ, падпісаўшы праект рашэння Савета калектыўнай бяспекі. Пра гэта стала вядома падчас рабочай сустрэчы Аляксандра Лукашэнкі і дзяржаўнага сакратара Савета бяспекі Беларусі. Станіслаў Зась праінфармаваў беларускага лідара аб сваім візіце ў Кыргызстан, Казахстан, Таджыкістан і Расію. Кіраўнікі гэтых дзяржаў таксама падтрымалі беларускую кандыдатуру. Адзначым, што такі фармат размовы прапанаваў наш лідар падчас снежаньскай сустрэчы прэзідэнтаў у Санкт-Пецярбургу.
Аляксандр Лукашэнка звярнуў увагу на рэалізацыю шматлікіх дамоўленасцяў, якіх удзельнікі АДКБ дасягнулі падчас лістападаўскага саміту ў Астане. Адна з ключавых задач арганізацыі - наладжванне пояса добрасуседства і ўмацаванне агульных меж. Не менш важна вырашыць усе спрэчкі і рознагалоссі. Ужо пасля рабочай сустрэчы журналісты пацікавіліся ў Станіслава Зася сітуацыяй вакол Арменіі. У астатніх удзельнікаў у гэтым пытанні з Ерэванам ёсць рознагалоссі, але ўсё можна вырашыць.
Нагадаем, што ў Арганізацыю Дагавора аб калектыўнай бяспецы ўваходзяць шэсць краін. Генеральны сакратар выбіраецца тэрмінам на тры гады і згодна з алфавітным парадкам дзяржаў-удзельнікаў.
