Пра гэта заявіў Аляксандр Лукашэнка на сустрэчы з сакратаром Камітэта Кампартыі Кітая правінцыі Хунань. Ду Цзяхаа прыбыў у Беларусь на чале прадстаўнічай дэлегацыі. Перамовы з членамі ўрадавых і партыйных структур КНР папярэднічаюць сустрэчы прэзідэнтаў. Абмяркоўваецца развіццё супрацоўніцтва, у тым ліку і інвестыцыйнае. Адзначаецца, што ёсць магчымасць павялічыць пастаўкі тавараў, у прыватнасці, харчовых. Беларусь і Кітай таксама робяць упор на прамысловую кааперацыю. Паміж правінцыяй Хунань, якая з'яўляецца значным індустрыяльным рэгіёнам Кітая, наладжаны дыялог з Магілёўскай вобласцю.
Ду Цзяхаа, сакратар Камітэта Камуністычнай партыі Кітая правінцыі Хунань: "Вы вызначылі новыя перспектывы для развіцця супрацоўніцтва паміж нашым рэгіёнам і Магілёўскай вобласцю. Я хачу сказаць, што Беларусь - галоўны сябар для Кітая і, у прыватнасці, правінцыі Хунань. Сваім асабістым сяброўствам са старшынёй КНР Вы стварылі надзейную аснову беларуска-кітайскага ўзаемадзеяння. Супрацоўніцтва Беларусі і правінцыі Хунань павінна стаць узорам узаемадзеяння для іншых кітайскіх рэгіёнаў".
Паміж Мінпрамам Беларусі і кампаніяй "Зумліён" раней быў падпісаны мемарандум аб супрацоўніцтве. Мяркуецца, што дэлегацыя з КНР наведае прамысловыя гіганты краіны: МАЗ, БелАЗ і завод "БелДжы". У індустрыяльным парку "Вялікі камень" установяць памятны знак на будаўнічай пляцоўцы па вытворчасці аўтамабільнай спецтэхнікі. Беларусь і Кітай выйшлі на давернае ўсебаковае стратэгічнае партнёрства. Настолькі высокі ўзровень узаемадзеяння афіцыйны Пекін падтрымлівае толькі з чатырма дзяржавамі, уключаючы нашу краіну. Гэтаму спрыяў і шчыры дыялог лідараў дзвюх краін.
