Прэзідэнт: Дысцыпліна і парадак павінны ляжаць у аснове ўсяго

28 Сакавіка 2019

Кадравыя рашэнні Прэзідэнта. Дысцыпліна і парадак павінны ляжаць у аснове ўсяго. Гэта заявіў Прэзідэнт, узгадняючы сёння прызначэнні новых кіраўнікоў.

Змяненні закранулі мясцовую ўладу. Аляксандр Ласевіч узгоднены на пасаду старшыні Лагойскага райвыканкама. Адбылося і істотнае абнаўленне вертыкалі ў Мінску. Узгадніў Прэзідэнт кіраўнікоў адміністрацый некалькіх раёнаў сталіцы. Кіраваць Заводскім будзе  Сяргей Масляк. На пасаду кіраўніка Кастрычніцкага раёна  ўзгоднены Генадзь Любатынскі. Валерый Вараніцкі будзе працаваць на чале Партызанскага раёна, а Сяргей Шкруднеў - на чале Фрунзенскага. Звяртаючыся да кіраўнікоў, Прэзідэнт нагадаў, што Мінск павінен заставацца горадам, зручным для людзей. 

Асобна  Кіраўніку дзяржавы сёння давялося вярнуцца да тэмы падзей у Шклоўскім раёне, дзе абуральная бязладнасць стала падставай для адставак кіраўнікоў і членаў урада. Некаторыя журналісты дагэтуль не пакідаюць спроб перавярнуць усё з ног на галаву. Маўляў, разнос быў паказальным  і ўсё не так ужо крытычна. Так, кароў усім шкада, але яшчэ больш крыўдна, калі каласальныя намаганні па развіцці сельскай гаспадаркі і канкрэтнага раёна  разбіваюцца аб халатнасць, абыякавасць і працу як мокрае гарыць. "Канапавыя крытыкі" і некаторыя журналісты забываюць, што менавіта з такіх недахопаў  у выніку складаецца агульная нярадасная карціна рэгіёна. 

Ратацыя і ў праваахоўных органах. Сяргей Дарошка сыходзіць са сталічнай міліцыі - ён узначаліць Акадэмію МУС. Начальнікам ГУУС сталіцы  прызначаны Іван Кубракоў. Да гэтага  ён працаваў у Віцебску. Начальнікам упраўлення ўнутраных спраў Віцебскага аблвыканкама  прызначаны Міхаіл Грыб. І пакуль  працу міліцыі ў краіне можна ацаніць як недастаткова эфектыўную. 

Што тычыцца дыпламатычных кадраў. Андрэй Лучанок прызначаны паслом у Аб'яднаных Арабскіх Эміратах. Па сумяшчальніцтве ён будзе прадстаўляць інтарэсы Беларусі ў Кувейце, Бахрэйне і Саудаўскай Аравіі. Задача - прасоўванне беларускага экспарту ў гэты рэгіён і прыцягненне інвестыцый. На пазіцыю генеральнага дырэктара Гомсельмаша  ўзгоднены Аляксандр Новікаў. Зараз заводу неабходна будзе істотна папрацаваць над якасцю тэхнікі. Аляксандр Лукашэнка таксама ўзгадніў адразу некалькі намеснікаў міністра транспарту  і дырэктара Дэпартамента знешнеэканамічнай дзейнасці МЗС Беларусі.