Беларуская армія павінна эфектыўна рэагаваць на сучасныя выклікі і пагрозы. Аб гэтым Прэзідэнт Аляксандр Лукашэнка заявіў сёння на нарадзе аб выніках праверкі Узброеных Сіл.
Пачынаючы з лютага, яна праходзіла па распараджэнні Прэзідэнта і закранула ўсе віды войскаў, уключаючы авіяцыю. Усяго з запасу на службу былі закліканы дзве тысячы чалавек для праверкі рэальнага становішча спраў у арміі і ідэалагічнай працы, якая ўплывае на воінскую дысцыпліну. Улічваючы сучасныя выклікі і пагрозы, як не раз заяўляў Прэзідэнт Беларусі, порах важна трымаць сухім. Беларуская армія - адзін з інструментаў захавання бяспекі, таму ў яе ўтрыманне і пераўзбраенне дзяржава ўкладвае істотныя сродкі. Сёння на нарадзе з удзелам Кіраўніка дзяржавы ў тым ліку абмяркоўваліся і праблемныя пытанні. Амаль усе недахопы суб'ектыўнага характару. Размова ідзе аб фармалізме і банальнай неарганізаванасці.
Нягледзячы на складанасць задач, якія ставіліся перад Узброенымі Сіламі Беларусі падчас мінулай праверкі, ніводная з іх не была правалена. Беларуская армія ў цэлым справілася з усім спектрам пытанняў. Аб гэтым па выніках нарады ў Кіраўніка дзяржавы расказаў журналістам Дзяржсакратар Савета бяспекі Станіславаў Зась.
Станіслаў Зась, Дзяржаўны сакратар Савета бяспекі Беларусі: "Праверка была маштабная і раптоўная, закранула тысячы вайскоўцаў, сотні адзінак тэхнікі. Правяраліся менавіта тыя пытанні, якія патрабуюць асаблівай увагі ў сучасных умовах. Многія з гэтых пытанняў правяраліся ўпершыню. Гэта значыць, праверка не была простай ні для Узброеных Сіл, ні для тых людзей, якія на ёй працавалі. Адбыўся разбор вынікаў усёй гэтай працы. Атрымалася досыць прынцыповая і нават жорсткая размова. Таму што ёсць недахопы. Яны ў асноўным суб'ектыўнага характару".
На нарадзе абмяркоўвалася таксама пытанне воінскай дысцыпліны ў арміі. Па гэтай тэме свае ацэнкі выказалі генпракурор, старшыня Следчага камітэта. У цэлым злачыннасць ва Узброеных Сілах зніжаецца па ўсіх кірунках. Адносна стабільны стан па карупцыйных праявах. Менш стала і злачынстваў, звязаных з гібеллю асабістага саставу. Аднак з мінулага года адзначаецца рост нестатутных узаемаадносін паміж вайскоўцамі. Каменціруючы гэты факт, Станіслаў Зась падкрэсліў, што комплексная праца ў гэтым кірунку будзе працягнута і па выніках маштабнай праверкі.
