Сёння Прэзідэнт прыняў старшыню Мытнага камітэта. З ім Аляксандр Лукашэнка прадоўжыў гутарку аб стварэнні камфортных умоў для бізнесу і павышэнні транзітнай прывабнасці краіны. Паводле слоў Юрыя Сянько, мытня робіць стаўку на электронныя тэхналогіі і аўтаматызацыю, гэта ўжо дазволіла не дапусціць росту чэрг і своечасова апрацоўваць таварныя патокі, якія ідуць праз нашу краіну. Сёлета яны прыкметна павялічыліся. Прэзідэнт задаў кіраўніку ведамства шэраг пытанняў.
З новага года ў сілу павінен уступіць Мытны кодэкс Еўразійскага эканамічнага саюза. Дакумент гатовы для ратыфікацыі ў беларускім парламенце. Больш за 100 прапаноў паступіла ад бізнесу - больш за палову ўлічаны ў новым дакуменце. Экзэмпляр кодэкса кіраўнік Мытнага камітэта перадаў Аляксандру Лукашэнку.
Кіраўнік Мытнага камітэта далажыў аб аптымізацыі ў ведамстве. Развіццё электронных тэхналогій патрабуе і кадравых змяненняў: важным элементам працэсу стала аб'яднанне Гродзенскай рэгіянальнай і Ашмянскай мытняў. У цэлым асноўным стане прынцып - "Адна вобласць - адна мытня".
