Беларусь мае намер рэалізаваць усе дамоўленасці з Нью-Дэлі на вышэйшым узроўні. Пра гэта заявіў Прэзідэнт Аляксандр Лукашэнка на сустрэчы з паслом Індыі.
Панкадж Саксена завяршае дыпмісію ў нашай краіне. Вопытны дыпламат на розных пасадах выконваў місіі ў Кітаі, Канадзе, Арменіі. У нашай краіне ён працаваў з кастрычніка 2015 года.
Вывесці супрацоўніцтва на прынцыпова новы ўзровень было ключавой задачай вераснёвага афіцыйнага візіту Аляксандра Лукашэнкі ў Індыю. Па яго выніках падпісаны амаль 20 найважнейшых дакументаў, а гэта ў перспектыве кантракты і бізнес-праекты на дзясяткі і сотні мільёнаў долараў. Дасягнутыя дамоўленасці па лакалізацыі ў Індыі вытворчасцяў беларускіх гігантаў машынабудавання - Гомсельмаша, МТЗ і МАЗа, нарошчванні вытворчасці ў Беларусі лекаў з выкарыстаннем індыйскіх тэхналогій. А яшчэ праекты ў сферы здабычы карысных выкапняў, транспарту, тэкстыльнай прамысловасці і турызму.
Панкадж Саксена, Надзвычайны і Паўнамоцны Пасол Індыі ў Беларусі: "Я цалкам згодны з вашай ацэнкай адносін паміж нашымі краінамі. У нас няма ніякіх раздражняльнікаў, падтрымліваецца блізкі кантакт у міжнародных арганізацыях. Мы ўдзячныя Беларусі за падтрымку на самых розных міжнародных пляцоўках. Асабіста я лічу сябе ўдачлівым чалавекам, таму што я працаваў у вашай краіне ў перыяд важных падзей у міждзяржаўных адносінах. Ваш візіт у Дэлі летась прыўнёс элемент дэталёвай прапрацоўкі шматлікім пытанням. І вашы дамоўленасці з кіраўніцтвам надалі імпульс развіццю двухбаковых адносін. Урад Індыі настроены на рэалізацыю ўсіх праектаў, і абедзве краіны актыўна працуюць над увасабленнем у жыццё гэтых задач".
Летась Беларусь экспартавала ў Індыю тавараў больш як на 300 мільёнаў долараў. Новыя магчымасці ў гандлі дасць стварэнне свабоднай зоны Індыі з ЕАЭС. У студзені прайшоў першы раўнд перамоў па заключэнні пагаднення.
