Прэзідэнт Беларусі сустрэўся з губернатарам Наўгародскай вобласці

Мінск адкрыты для дыялогу з Наўгародскай вобласцю па ўсіх пытаннях, што выклікаюць цікавасць. Гэта заявіў Прэзідэнт падчас сустрэчы з губернатарам Андрэем Нікіціным. Так, беларускія падрадчыкі могуць заняцца будаўніцтвам жылых і сацыяльных аб'ектаў у Вялікім Ноўгарадзе і іншых гарадах. Такі вопыт у нашых кампаній  ужо ёсць. У цэлым жа тавараабарот за восем месяцаў 2019 года склаў амаль 65 мільёнаў долараў. Зрэшты, зыходзячы з узаемнай цікавасці і магчымасцяў,  лічба больш чым сціплая. Дарэчы, для губернатара Андрэя Нікіціна  гэта першы візіт у нашу краіну.

Развіццё супрацоўніцтва з рэгіёнамі Расіі

Адзначым, што Наўгародская вобласць сёння - гэта 600 тысяч чалавек насельніцтва пры валавым рэгіянальным прадукце  4,5 мільярда долараў. Вобласць уваходзіць у Паўночна-Заходнюю федэральную акругу, а яе сталіца - Вялікі Ноўгарад - адзін з найстаражытных гарадоў Расіі. Акрамя турызму асноўныя артыкулы экспарту: пясок, торф, буры вугаль і нават лячэбная гразь. Там жа працуе і беларуская дылерская сетка МТЗ, "Амкадор" і "Белвест".