Прэзідэнт Беларусі Аляксандр Лукашэнка даручыў за самы кароткі тэрмін стварыць міжведамасную экспертную групу па вывучэнні рэкамендацый АБСЕ і выпрацоўцы прапаноў па іх прымяненні. Такое даручэнне Кіраўнік дзяржавы даў напярэдадні па выніках сустрэчы з кіраўніком Цэнтрвыбаркама Лідзіяй Ярмошынай. Напрыканцы студзеня была апублікаваная выніковая справаздача БДІПЧ АБСЕ аб прэзідэнцкіх выбарах у Беларусі. Плануецца, што пажаданні па ўдасканаленні выбарчага працэсу будуць максімальна ўлічвацца пры правядзенні парламенцкай кампаніі. Сёлета ў Беларусі пройдуць выбары дэпутатаў Палаты прадстаўнікоў Нацыянальнага сходу.
Першая сустрэча міжведамаснай экспертнай групы запланаваная ўжо на гэты аўторак (16 лютага) у Цэнтрвыбаркаме. Праз месяц пасля пачатку работы яна павінна даць у адрас ЦВК рэкамендацыі альбо прапановы па той пазіцыі, якую выказала АБСЕ.
