Беларусь адкрытая краіна, якой ёсць што паказаць свету. Пра гэта Прэзідэнт Аляксандр Лукашэнка заявіў на сустрэчы з генеральным сакратаром Сусветнай турысцкай арганізацыі. Многія высокія госці сёння будуць прысутнічаць на цырымоніі закрыцця II Еўрапейскіх гульняў.
Зураб Палалікашвілі адзін з іх. Беларусь з'яўляецца членам Сусветнай турысцкай арганізацыі з 2005 года. Гэтая глабальная пляцоўка ў структуры ААН аб'ядноўвае 158 дзяржаў. На сустрэчы ішла размова аб развіцці турызму, у нашай краіне гэтаму пытанню надаюць вялікую ўвагу.
Сусветная турысцкая арганізацыя мае намер актыўна развіваць супрацоўніцтва з Беларуссю і прапануе ўжо ў наступным годзе правесці міжнародны форум па экалагічным і агратурызме менавіта ў нас. Наша краіна ў гэтым сэнсе можа стаць выдатным прыкладам таго, як трэба развіваць гэты кірунак.
А вопыт Мінска ў арганізацыі і правядзенні II Еўрапейскіх гульняў будзе карысны для выпрацоўкі рэкамендацый іншым краінам у галіне спартыўнага турызму. І яшчэ адну сустрэчу ў Палацы Незалежнасці Аляксандр Лукашэнка правёў з Міністрам па пытаннях аднаўлення Японіі Хіраміці Ватанабэ. Беларусь прапануе павышаць узровень адносін з гэтай краінай, нягледзячы на адлегласць паміж дзяржавамі, асабліва ў інвестыцыйнай сферы. Пачаць можна з некалькіх сумесных праектаў, якія стануць добрай асновай для развіцця далейшага супрацоўніцтва.
