І яшчэ адно даручэнне Кіраўніка дзяржавы - перадача прадпрыемства ў структуру дзяржваенпрама. Галоўныя праблемы завода сёння - вельмі высокая закрэдытаванасць, дэфіцыт імпартных запчастак і невыкананне інвестарам абавязацельстваў. Адгэтуль нізкія зарплаты, нерытмічная праца па заказах і цяжкае фінансавае становішча. Аляксандр Лукашэнка даручыў дакладна вызначыць планы па развіцці завода.
Паведамілі Прэзідэнту і пра рэалізацыю буйнога прыватнага інвестпраекта па будаўніцтве прамыслова-лагістычнага цэнтра ў Балбасаве. Праект разлічаны да 2023 года і мяркуе замкнуць дзеючы чыгуначны вузел у Оршы, два міжнародныя аўтакалідоры Захад - Усход і Поўнач - Поўдзень плюс падлучыць узлётную паласу авіярамонтнага завода. Сёння яна ў крытычным стане, пакрыццё зношанае і прымаць у асноўным можа толькі верталёты. Прэзідэнт паставіў задачу да канца восені вярнуць гавані здольнасць прымаць паветраныя судны любой спецыялізацыі, у першую чаргу транспартнай.
Паралельна Прэзідэнт звярнуў увагу і на населены пункт Балбасава, дзе размешчаны Аршанскі авіярамонтны завод. Кіраўнік дзяржавы паставіў жорсткую задачу да 7 лістапада завяршыць добраўпарадкаванне. Аляксандр Лукашэнка паабяцаў асабіста прыехаць у Балбасава ўвосень і прыняць працу.
