Запланаваныя сустрэчы з кіраўніцтвам гэтай паўднёваазіяцкай краіны. Аляксандр Лукашэнка правядзе перамовы з калегам Рамам Натхам Кавіндам, а таксама з прэм'ер-міністрам Нарэндрам Модзі. Будзе абмяркоўвацца развіццё супрацоўніцтва ў гандлёва-эканамічнай, палітычнай, навукова-тэхнічнай і гуманітарнай сферах, турызме. Размова пойдзе аб узаемадзеянні Беларусі і Індыі ў фармаце еўразійскай інтэграцыі, новых магчымасцях для інвестыцыйнага супрацоўніцтва. Адначасова з візітам Аляксандра Лукашэнкі ў Нью-Дэлі пройдзе бізнес-форум з удзелам топ-менеджараў буйных кампаній. Індыйскі бок прадстаўляюць мінімум 150 бізнесменаў.
Віталь Прыма, Надзвычайны і Паўнамоцны Пасол Беларусі ў Індыі: "Мы плануем падпісаць шэраг пагадненняў. Вялізная колькасць індыйскіх кампаній зацікаўлена ў развіцці адносін з Рэспублікай Беларусь і ў галіне турызму, і ў галіне адукацыі".
За чвэрць стагоддзя паміж Беларуссю і Індыяй тавараабарот амаль дасягнуў паўмільярда долараў за год. Асноўныя прыярытэты - вытворчая кааперацыя, праекты ў навуцы, фармацэўтыцы і інвестыцыі.
