Прэзідэнт Беларусі правёў сустрэчу са старшынёй Нацыянальнага сходу В'етнама

12 Снежня 2019
Наконт беларуска-в'етнамскага супрацоўніцтва сёння ішла размова ў Палацы Незалежнасці. Краіны звязаны моцным сяброўствам яшчэ з савецкіх гадоў. І за гэты час многае зрабілі для больш паспяховага развіцця нашых адносін, у тым ліку і гандлёва-эканамічных, адзначыў Аляксандр Лукашэнка на сустрэчы са старшынёй Нацыянальнага сходу В'етнама.

В'етнам - надзейны партнёр для Беларусі

Тхі Нгуен у Беларусі другі раз, прыязджала, калі  была міністрам працы. А вось афіцыйныя перамовы як спікера парламента праходзяць упершыню. На сустрэчы з Аляксандрам Лукашэнкам гавораць не толькі аб міжпарламенцкіх сувязях, але таксама аб гандлі і эканоміцы, абароне і бяспецы. 

Для нас В'етнам надзейны партнёр. Яго аўтарытэт у рэгіянальным і глабальным плане пастаянна расце. Нашы дзяржавы маюць падобныя погляды на актуальныя пытанні сусветнай палітыкі. У эканоміцы таксама зроблены ўпэўнены крок наперад. В'етнам - першы, хто ў свой час падпісаў пагадненне аб свабодным гандлі з ЕАЭС. Сёлета за 9 месяцаў Беларусь і В'етнам нагандлявалі на 153 млн долараў. Планка, да якой імкнуцца дзяржавы, - паўмільярда. Менавіта такі тавараабарот адпавядае патэнцыялу дзвюх краін, гэта раней неаднаразова падкрэслівалася на самым высокім узроўні.

Візіт спадарыні Нгуен у Беларусь разлічаны на тры дні

Старшыня Нацыянальнага сходу перадала Аляксандру Лукашэнку прывітанне ад Прэзідэнта В'етнама і запрашэнне яшчэ раз наведаць гэтую краіну. Візіт жа спадарыні Нгуен у Беларусь разлічаны на тры дні. Дыялог аб двухбаковым партнёрстве сёння прадоўжыцца ў парламенце. Плануецца,  што высокі госць сустрэнецца са спікерамі Палаты прадстаўнікоў і Савета Рэспублікі, правядзе перамовы з прэм'ер-міністрам. Праграмай візіту таксама прадугледжана наведванне беларускіх прадпрыемстваў.