Свята для самых разумных, тых, хто падае надзеі, і проста лепшых з лепшых. У сталіцы сёння сабраліся 250 таленавітых школьнікаў і студэнтаў з усёй краіны.
Гэта пачатак яшчэ адной навагодняй традыцыі - запрашаць тых, ад каго залежыць будучыня Беларусі ў будынак, які ўжо стаў сімвалам дзяржаўнасці - Палац Незалежнасці. Месца, дзе прымаюцца найважнейшыя палітычныя рашэнні і праходзяць лёсавызначальныя перамовы, напэўна, упершыню прымала настолькі нефармальную падзею. Яркая праграма, цацкі і падарункі - нязменныя атрыбуты навагодніх дзён. А пераможцы школьных алімпіяд, юныя наватары, вынаходнікі і самыя актыўныя маладыя людзі сёння атрымалі і ўнікальную магчымасць пагаварыць з Кіраўніком дзяржавы. У шчыльным прэзідэнцкім графіку заўсёды ёсць месца для сустрэч з моладдзю. Бо менавіта ад яе залежыць, якой наша краіна будзе праз дзесяцігоддзі. Вядома, поспехі юных талентаў радуюць: перамогі на творчых конкурсах, алімпіядах, навуковыя распрацоўкі. І менавіта гэтаму пакаленню наканавана ўвасобіць у жыццё тыя рэвалюцыйныя ідэі і праекты, якія сёння пачынаюць рэалізоўваць у нашай краіне.
Для ўсіх маладых людзей гэта быў першы і вельмі хвалюючы навагодні баль такога фармату. Тым не менш усе хутка асвоіліся, завялі новыя знаёмствы і з задавальненнем абмяркоўвалі ўласныя першыя дасягненні.
Усе гэтыя маладыя людзі толькі пачынаюць свой вялікі жыццёвы шлях, так што сёння сваім вопытам з імі падзяліліся і знакамітыя госці. Музычным сюрпрызам для ўсіх стала гісторыя жыцця ад групы Navi.
