Барыс Батура далажыў Аляксандру Лукашэнку аб ходзе рэалізацыі шэрагу інвестпраектаў і аб праекце рэканструкцыі аўтадарогі Мінск - Слуцк - Мікашэвічы. Гэтая аўтамагістраль павінна атрымаць першую якасную катэгорыю. Пакуль такі статус маюць толькі дарогі Брэст - Мінск - мяжа Расіі і Мінск - Магілёў. Акрамя таго былі абмеркаваны пытанні правядзення ў сціслыя тэрміны пасяўной кампаніі. Мінская вобласць да яе гатова, і работы пачнуцца пры першай жа магчымасці. Асобна Кіраўнік дзяржавы звярнуў увагу на пытанні навядзення парадку ў населеных пунктах - не толькі ў буйных, але і ў невялікіх.
Кіраўніку таксама было даложана аб паводкавай сітуацыі ў сталічным рэгіёне. Паводле слоў Барыса Батуры, падтапленні чакаюцца ў чатырох раёнах, аднак надзвычайных сітуацый не прагназуецца, у тым ліку дзякуючы загадзя праведзеным работам. І ўсё ж, дзе з'явіцца неабходнасць, Аляксандр Лукашэнка даручыў прыняць разнастайныя меры па прадухіленні падтапленняў жылых дамоў і прысядзібных участкаў.
