Прэзідэнт Беларусі Аляксандр Лукашэнка ў Пекіне бярэ ўдзел у II Форуме міжнароднага супрацоўніцтва "Пояс і шлях". Раніцай Кіраўнік дзяржавы прыбыў у Кітайскі нацыянальны канферэнц-цэнтр. Акрамя прысутнасці на цырымоніі адкрыцця праграма рабочага візіту Аляксандра Лукашэнкі прадугледжвае яго ўдзел у рабоце сесій нарады на вышэйшым узроўні.
У сваім выступленні на форуме Прэзідэнт прадставіць прапановы беларускага боку па развіцці глабальнай ініцыятывы і паглыбленні супрацоўніцтва на еўразійскай прасторы з акцэнтам на стварэнні раўнапраўнай і празрыстай сістэмы міжнароднага гандлю.
Чакаецца, што на палях саміту Аляксандр Лукашэнка правядзе шэраг сустрэч з замежнымі лідарамі. У другой палове дня ў Пекіне адбудзецца прыём ад імя Старшыні КНР Сі Цзіньпіна. Удзел Кіраўніка беларускай дзяржавы ў мерапрыемствах форуму на вышэйшым узроўні запланаваны і заўтра. Да форуму прыкавана вялікая ўвага прэсы. Міжнародны медыяцэнтр падобны да вялікага інтэрнацыянальнага мурашніка. Менавіта адсюль журналісты сочаць за заявамі палітыкаў.
На гэты час больш як 150 краін і міжнародных арганізацый падпісалі з Кітаем пагадненні аб сумеснай рэалізацыі ініцыятывы "Адзін пояс і адзін шлях".
Прэзідэнт Беларусі бярэ ўдзел у II Форуме міжнароднага супрацоўніцтва "Пояс і шлях"
26 апреля 2019