Сёння стала вядома, што Прэзідэнт Беларусі прыме ўдзел у актыўнай фазе сумесных стратэгічных вучэнняў "Захад-2017".
Аб гэтым паведаміла прэс-сакратар Кіраўніка дзяржавы Наталля Эйсмант. Аляксандр Лукашэнка, як і планавалася раней, азнаёміцца з ходам вучэнняў на тэрыторыі нашай краіны. На гэты раз у цэнтры падзей і манеўраў - Беларусь, а ўсе астатнія эпізоды носяць другарадны характар. Таму менавіта ў нашай краіне чакаўся ўдзел лідараў Беларусі і Расіі. У адрас Уладзіміра Пуціна было накіравана запрашэнне, але на гэты момант афіцыйнага адказу не паступала. Паводле неафіцыйнай інфармацыі, расійскі бок распрацоўвае іншы фармат удзелу Прэзідэнта Расіі ў вучэннях "Захад-2017". Наталля Эйсмант падкрэсліла, што незалежна ад гэтага Аляксандр Лукашэнка адназначна будзе прысутнічаць на вучэннях у Беларусі ў адзін з дзён.
