На спецыяльнай нарадзе Аляксандр Лукашэнка запатрабаваў максімальнай канцэнтрацыі высілкаў у завяршальны перыяд арганізацыі форуму, які пройдзе ў Мінску, паколькі прэстыжны міжнародны спартыўны форум - гэта яшчэ і эканамічнае мерапрыемства, на якім трэба зарабіць. За 200 дзён да чэмпіянату Кіраўнік дзяржавы гаварыў пра недапушчэнне правалаў пры яго правядзенні.
Прэзідэнт гаварыў і пра тое, што ў падрыхтоўцы да чэмпіянату асноўную частку работ выканалі, але многае яшчэ трэба зрабіць. Нагадаем, чэмпіянат свету па хакеі пройдзе ў Мінску з 9 па 25 мая ў двух лядовых комплексах - Мінск-Арэне і Чыжоўка-Арэне. Арганізатары гарантуюць адначасовае рассяленне балельшчыкаў на 20 000 месцаў. Да таго ж прыехаць у Беларусь можна без візы - досыць будзе прад'явіць білет на матч.
