Прэзідэнт Беларусі Аляксандр Лукашэнка мае намер наведаць раёны нашай краіны, пацярпелыя ад катастрофы на Чарнобыльскай АЭС. Гэтую традыцыйную паездку Кіраўнік дзяржавы праанансаваў на сённяшняй нарадзе па пытаннях выканання супрацьпажарнай дысцыпліны і забеспячэння захоўвання сельскагаспадарчай тэхнікі.
Падчас рабочай паездкі ў рэгіёны беларускага лідара будзе цікавіць, як ідуць аграрныя работы на поўдні Беларусі і як выконваюцца даручэнні, што гучалі раней.
І сёння Кіраўнік дзяржавы даручыў завяршыць будаўніцтва новага моста цераз Прыпяць у Жыткавіцкім раёне да 7 лістапада. Нагадаем, у канцы мінулага года там з'явіліся расколіны, мост закрылі для пешаходаў і тэхнікі. Побач зрабілі часовую пераправу, якая з-за ўмоў надвор’я працавала нерэгулярна.
