Завяршыць сяўбу азімых у Беларусі да 1 кастрычніка. Такое даручэнне даў Прэзідэнт, будучы з рабочай паездкай у Гродзенскай вобласці.
Асаблівую ўвагу з улікам надвор'я неабходна надаць тэмпам работ на поўначы краіны. На палях прадпрыемства "Чарняхоўскі-Агра" Кіраўніку дзяржавы прадэманстравалі сельгастэхніку для ўборкі і драбнення кукурузы. Аграрыі адзначаюць: нашы машыны канкурэнцыю з замежнымі вытрымліваюць. Кіраўніку дзяржавы далажылі ў цэлым аб асенне-палявых работах. Так, амаль палова плошчаў бульбы прыбраная. Ураджайнасць вышэй за леташнюю, аднак, па меркаванні Прэзідэнта, тэхналогіі, якія ёсць у краіне, ужо дазваляюць мець больш важкі ўраджай.
Аляксандру Лукашэнку далажылі і аб развіцці льнаводчай галіны. Наведваючы "Карэлічы-Лён" Прэзідэнт падрабязна азнаёміўся з работай прадпрыемства і прадукцыяй, якую яно вырабляе. Маючы зносіны з калектывам завода, Кіраўнік дзяржавы сказаў, што лішні раз упэўніўся - прынятае раней рашэнне захаваць і развіваць ільняную галіну ў краіне было правільным.
