Тэлеграмы з цёплымі і добрымі словамі накіравалі лідары Германіі і Латвіі, Чэхіі, Польшчы і Грузіі.
Прэзідэнт Германіі падзякаваў Аляксандру Лукашэнку за канструктыўны і адкрыты дыялог 29 чэрвеня на адкрыцці другога комплексу мемарыяла на месцы лагера смерці "Малы Трасцянец".
"Гэта сімвал памяці аб злачынствах, учыненых у Вашай краіне ад імя Германіі... і адначасова навочнае сведчанне таго, што дзякуючы гатоўнасці беларускага народа да прымірэння, мы ад хваравітага мінулага змаглі прыйсці да паспяховага супрацоўніцтва паміж нашымі краінамі".
Прэзідэнт Латвіі Райманд Веёніс пажадаў нашай краіне і народу свету бяспекі, стабільнасці, эканамічнага росквіту і дабрабыту.
"Я адчуваю сапраўднае задавальненне ад таго, што інтэнсіўны палітычны дыялог і цеснае, узаемавыгаднае супрацоўніцтва ў розных сферах характарызуюць добрасуседскія адносіны і актыўнае супрацоўніцтва паміж Рыгай і Мінскам".
У сваім віншаванні прэзідэнт Грузіі запэўніў, што сувязь дружбы і ўзаемаразумення, якія звязваюць Грузію і Беларусь будуць і надалей мацнець, прыносячы карысць народам. Прэзідэнт Польшчы ў сваёй віншавальнай тэлеграме адзначае, што суверэнная і незалежная Беларусь з'яўляецца дасканалым элементам стабільнасці і міру ў Еўропе, а таксама выказаў надзею на далейшае ўмацаванне добрасуседскіх адносін.
Прэзідэнт Чэхіі Мілаш Земан высока ацэньвае ўзровень узаемаадносін з нашай краінай і зацікаўлены ў далейшым развіцці і паглыбленні супрацоўніцтва. Нагадаем, шчырыя і найлепшыя пажаданні прыйшлі ад кіраўнікоў дзяржаў, каралёў, урадаў найбуйнейшых дзяржаў - Кітая, Індыі, Расіі, ЗША, краін Еўрапейскага і Еўразійскага саюзаў, дзяржаў Садружнасці, прадстаўнікоў міжнародных арганізацый, вядомых палітыкаў. Геаграфія адпраўнікоў - ад Абу-Дабі да Стакгольма, ад Пхеньяна і Дакі да Вашынгтона.
