З нагоды свята віншавальныя пасланні Прэзідэнт Беларусі Аляксандр Лукашэнка накіраваў замежным лідарам, відным дзяржаўным дзеячам і кіраўнікам інтэграцыйных аб'яднанняў. "Рускія і беларусы свята захоўваюць памяць аб вялікім подзвігу нашых бацькоў і дзядоў", - гаворыцца ў віншавальным пасланні Кіраўніка дзяржавы Прэзідэнту Расіі Уладзіміру Пуціну. Аляксандр Лукашэнка павіншаваў прэзідэнтаў Азербайджана, Арменіі, Грузіі, Казахстана, Кыргызстана, Малдовы, Таджыкістана, Туркменістана, Узбекістана і Украіны, а таксама відных дзяржаўных і грамадскіх дзеячаў Расіі.
Віншаванні ад замежных лідараў, грамадскіх і палітычных дзеячаў паступаюць і на адрас Аляксандра Лукашэнкі і беларускага народа. "Наш абавязак - свята берагчы памяць аб загінуўшых героях, акружыць клопатам ветэранаў, не дапускаць паўтарэння трагічных падзей мінулага", - гаворыцца ў віншаванні Прэзідэнта Расіі Уладзіміра Пуціна. Віншавальнае пасланне накіраваў і Прэзідэнт Казахстана Нурсултан Назарбаеў. Цёплыя словы з пажаданнямі росквіту Беларусі паступаюць і ад многіх іншых кіраўнікоў дзяржаў.
