Кіраўнік дзяржавы Аляксандр Лукашэнка павіншаваў члена нацыянальнай каманды Беларусі па інваспорце Святлану Саханенка з заваяваннем залатога медаля.
"Віншую цябе і ўсю каманду з першым беларускім золатам на Паралімпійскіх гульнях 2018 года, - адзначыў Аляксандр Лукашэнка. - На трасах Пхёнчхана ты праявіла найвышэйшае спартыўнае майстэрства не толькі ў лыжных гонках, але і ў спаборніцтвах па біятлоне, заваяваўшы для краіны бронзавы медаль у спрынце".
Аляксандр Лукашэнка выказаў упэўненасць, што поспехі Святланы Саханенка стануць яркім арыенцірам для нашых спартсменаў, стымулам змагацца і дабівацца значных вынікаў на славу Беларусі. "Дзякуй за перамогу. Так трымаць!" - падкрэсліў Кіраўнік дзяржавы.
