Паважаныя таварышы!
Віншую вас з 95-годдзем з дня ўтварэння органаў дзяржаўнага кантролю Беларусі!
Супрацоўнікі Камітэта дзяржаўнага кантролю ўносяць значны ўклад у вырашэнне пытанняў агульнанацыянальнага развіцця, умацаванне фінансавай дысцыпліны і павышэнне адказнасці структур улады розных узроўняў.
Ад вашай кампетэнтнасці, адданасці службоваму абавязку і асабістай прыстойнасці шмат у чым залежыць забеспячэнне сацыяльных правоў грамадзян і іх давер дзяржаўнай уладзе.
Асаблівыя словы ўдзячнасці - ветэранам, якія, з гонарам выканаўшы службовы і грамадзянскі абавязак, стварылі ў суверэннай Беларусі эфектыўную сістэму дзяржаўнага кантролю.
Развіваючы свае лепшыя традыцыі, Камітэт упэўнена рэалізуе прадастаўленыя яму паўнамоцтвы і адыгрывае важнейшую ролю ў забеспячэнні эканамічнай бяспекі краіны.
Жадаю ўсім моцнага здароўя, шчасця і новых поспехаў у працы на карысць нашай Радзімы!
Аляксандр Лукашэнка