Калектыву ўстановы адукацыі Беларускі дзяржаўны эканамічны ўніверсітэт
Дарагія сябры!
Сардэчна віншую вас з 80-годдзем з дня заснавання Беларускага дзяржаўнага эканамічнага ўніверсітэта.
За гэтыя гады ваш універсітэт набыў высокі аўтарытэт і атрымаў статус вядучай профільнай ВНУ Беларусі. Яна дала пуцёўку ў жыццё 138 тысячам спецыялістаў, якія дзякуючы глыбокім ведам і прафесіяналізму паспяхова працуюць у розных галінах народнай гаспадаркі, уносячы годны ўклад у сацыяльна-эканамічнае развіццё краіны. Сярод выпускнікоў ВНУ - вядомыя вучоныя, дзяржаўныя дзеячы, кіраўнікі канцэрнаў, буйных прадпрыемстваў і арганізацый.
Работа калектыву ўніверсітэта, накіраваная на падрыхтоўку сучасна думаючых, высокакваліфікаваных і ініцыятыўных спецыялістаў, атрымала прызнанне не толькі ў Рэспубліцы Беларусь, але і за яе межамі.
Упэўнены, што Беларускі дзяржаўны эканамічны ўніверсітэт і далей будзе дабівацца высокіх вынікаў у навуковай і адукацыйнай дзейнасці, садзейнічаючы прымнажэнню інтэлектуальнага патэнцыялу Беларусі.
Жадаю ўсім студэнтам, выкладчыкам і супрацоўнікам універсітэта шчасця і дабрабыту, новых здзяйсненняў на карысць Айчыны.