Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Мексіканскіх Злучаных Штатаў Энрыке Пенья Ньета з Днём незалежнасці.
"Рэспубліка Беларусь зацікаўленая ў наданні новай дынамікі развіццю ўзаемавыгадных адносін з Мексікай, усталяванні сістэмнага і канструктыўнага дыялогу на ўсіх узроўнях, што цалкам адказвае інтарэсам абедзвюх краін", - гаворыцца ў віншаванні.
Кіраўнік дзяржавы пажадаў Прэзідэнту Мексікі моцнага здароўя і поспехаў, а таксама шчасця і дабрабыту грамадзянам краіны.