Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Генеральнага сакратара Камуністычнай партыі Кітая, Старшыню Кітайскай Народнай Рэспублікі Сі Цзіньпіна з паспяховым завяршэннем XIX з'езда Кампартыі Кітая і перавыбраннем на пасаду Генеральнага сакратара.
"Вынікі з'езда прадэманстравалі ўмацаванне пазіцый Кітая на міжнароднай арэне, значныя поспехі кітайскага народа, дасягнутыя за апошнія пяць гадоў пад кіраўніцтвам КПК у сацыяльна-эканамічным развіцці, навуцы і культуры, - гаворыцца ў віншаванні. - У нашай краіне з вялікай цікавасцю ўспрынятыя Вашы ідэі аб уступленні "сацыялізму з кітайскай спецыфікай у новую эпоху". Упэўнены, што ваша мадэль развіцця, заснаваная на "вернасці першапачатковай ідэі і імкненні наперад", знойдзе сваё прымяненне і ў іншых краінах".
"Рэспубліка Беларусь у духу братэрскіх адносін, сумеснага прасоўвання будаўніцтва супольнасці агульнага лёсу, а таксама ў гонар завяршэння гістарычнага XIX з'езда КПК мае гонар паднесці падарунак народу Кітая - прыняць у 2018 годзе бясплатна кітайскіх дзяцей на адпачынак і аздараўленне ў беларускіх санаторыях і лячэбных установах. Паколькі дзеці - наша галоўная спадчына", - адзначыў Кіраўнік дзяржавы.
Аляксандр Лукашэнка пажадаў Сі Цзіньпіну поспехаў у кіраўніцтве самай буйной у свеце партыяй, адзінства яе шэрагаў, моцнага здароўя, шчасця, міру і росквіту народу Кітая.
