Беларусь - Расія: межы і бяспека
Геаграфічнае становішча абавязвае нашу краіну працаваць у гэтым кірунку асабліва ўважліва. Цэнтральна-еўрапейскае скрыжаванне транзітных шляхоў з аднаго боку адкрывае магчымасці, а з другога - нясе пагрозу распаўсюджвання злачыннасці. Пазіцыя Беларусі з года ў год застаецца празрыстай для сусветнай супольнасці. На пляцоўках найбуйнейшых міжнародных арганізацый прасоўваюцца ініцыятывы па процідзеянні нелегальнай міграцыі, таксама ставяцца бар'еры распаўсюджванню наркотыкаў, зброі і боепрыпасаў. Праца гэтая комплексная і патрабуе дакладнай каардынацыі ў першую чаргу з расійскімі партнёрамі.Таксама падчас дакладу абмеркавалі праблемы пагранічных чэргаў грузавога аўтатранспарту і складанасці, з якімі прыходзіцца сутыкацца, у прыватнасці - замежным гасцям. Не ўсе грамадзяне трэціх краін зараз бесперашкодна праязджаюць беларуска-расійскую мяжу.
Дагавор аб ахове дзяржграніцы павінен быць актуальным
Яшчэ ў сярэдзіне 90-х Беларусь і Расія дамовіліся сумеснымі намаганнямі ахоўваць заходнія межы Саюзнай дзяржавы, у той жа час даўшы максімальную свабоду перамяшчэння сваім грамадзянам. Рэдакцыя дагавора сцвярджалася кожныя пяць гадоў, і сёння надышоў час узмацніць і актуалізаваць дакумент. Аб гэтым дзяржсакратар Савета бяспекі распавёў журналістам па выніках дакладу.
За апошнія тры гады пагранічнікі Беларусі і Расіі сумесна выявілі шэсць каналаў незаконнай міграцыі, затрымалі дзесяць памагатых. Толькі за мінулы год выяўлена пяць расійскіх грамадзян, якія спрабавалі паставіць у Беларусь больш як паўтоны наркотыкаў з Польшчы і Літвы. Таксама ў Саюзнай дзяржаве дзейнічае Праграма па ўдасканаленні пагранічнай бяспекі. Такім чынам, развіваецца інфраструктура, закупляюцца новая тэхніка і сродкі аховы мяжы.
