Рухомы вузел сувязі новага пакалення прымуць на ўзбраенне ўжо ў наступным годзе

Самая закрытая і ахоўная ва ўсім свеце ўрадавая сувязь у Беларусі пераходзіць на лічбу. Сёння Кіраўнік дзяржавы асабіста наведаў адзін з аб'ектаў і ацаніў якасць і надзейнасць найноўшых вузлоў і сістэм сувязі. У прыватнасці, Прэзідэнту паказалі поўную лінейку апаратуры шыфравання і абароны мабільнай сувязі на базе беларускіх распрацовак. Так, рухомы вузел сувязі новага пакалення кіруецца экіпажам усяго з трох чалавек наўзамен ранейшых 11 і выконвае задачы шырэйшага спектру. Яго прымуць на ўзбраенне ўжо ў наступным годзе.

На аб'екце быў прадэманстраваны і новы комплекс тэхнічнага кіравання контртэрарыстычнай аперацыяй. Ён здольны запускаць дроны, выяўляць і абясшкоджваць беспілотнікі.