Першыя вынікі сустрэчы прэзідэнтаў Беларусі і Сербіі

Працягваецца візіт Кіраўніка беларускай дзяржавы ў Сербію. Сёння асноўны дзень перамоў афіцыйных Мінска і Бялграда.

Другі дзень афіцыйнага візіту А. Лукашэнкі ў Сербію

Двухбаковае партнёрства кіраўнікі дзяржаў абмеркавалі ў фармаце "адзін на адзін". Асаблівая ўвага - эканамічнаму супрацоўніцтву. Лічбы сумеснага гандлю прыкметна знізіліся. Звяртаючыся да свайго калегі, Аляксандр Лукашэнка выказаў упэўненасць, што краіны выведуць адносіны на больш высокі ўзровень, у тым ліку ў гандлі, што адаб'ецца на павелічэнні тавараабароту. Прэзідэнт Сербіі не сумняваецца: візіт беларускага лідара стане стымулам для развіцця адносін паміж краінамі і павялічыць аб'ём нашага гандлю да 500 мільёнаў долараў.

Напярэдадні кіраўнікі дзяржаў ужо правялі перамовы за нефармальнай вячэрай. Амаль уся размова была прысвечана абмеркаванню палітычнага становішча, якое складаецца вакол дзяржаў. Сёння акцэнт зрабілі на тым, як у сучасных рэаліях далей развіваць двухбаковае эканамічнае партнёрства. Аляксандр Лукашэнка растлумачыў: буйныя геапалітычныя гульцы, каб выжыць у канкурэнцыі, ствараюць напружанае становішча ў свеце. Але, нягледзячы на гэтыя ўмовы, Беларусі і Сербіі ўсё роўна па дарозе.

Перамовы ў фармаце "адзін на адзін" прайшлі ў цёплай сяброўскай атмасферы і падоўжыліся больш за запланаванае. Не чакаючы заканчэння афіцыйных мерапрыемстваў, лідары адразу абмяняліся падарункамі і пасля далучыліся да беларуска-сербскага дыялога ў пашыраным складзе.

А. Лукашэнка: Мы ніколі не ставілі адно аднаму ўмоў

Асаблівасцю двухбаковых адносін у тым, што краіны ніколі не ставілі адна адной папярэдніх умоў, адзначыў Аляксандр Лукашэнка. Наша партнёрства трымаецца выключна на сяброўстве і даверы. І сёння іх падмацавалі новымі дамоўленасцямі. Так, у прысутнасці прэзідэнтаў быў падпісаны пакет дакументаў. Бакі будуць разам развівацца ў галіне інавацый і лічбавых тэхналогій, навукоўцы ў найбліжэйшыя два гады плануюць выканаць 10 сумесных праектаў у розных сферах.

Беларусь і Сербія падпішуць кантракты на 100 мільёнаў долараў

Акрамя таго, сёння ў Бялградзе праходзіць двухбаковы бізнес-форум. Дамоўленасці дзелавых колаў аб пастаўках беларускай прадукцыі папярэдне ацэньваюцца на 100 мільёнаў долараў. У першую чаргу размова пра закупку нашай сельгастэхнікі. Акрамя гэтага, Сербія працягне пераабсталяванне пажарнага аўтапарка - разлічвае ў гэтым пытанні і на беларускі бок. Распрацоўваецца пытанне стварэння сумесных вытворчасцяў. Падрабязнасці другога дня афіцыйнага візіту Прэзідэнта ў Сербію ў нашых наступных выпусках.