Аляксандр Лукашэнка прыбыў у прэзідэнцкі палац Амара Хасана Ахмеда аль-Башыра. Пасля завяршэння сустрэчы ў вузкім складзе бакі правядуць перамовы ў прысутнасці міністраў. Лідары дзвюх краін асаблівую ўвагу нададуць пытанням эканамічнага супрацоўніцтва. Тавараабарот Беларусі і Судана пакуль несупастаўляльны з магчымасцямі краін. За 2015 год краіны нагандлявалі на 41 мільён долараў. Сярод сфер, у якіх Беларусь і Судан могуць працаваць разам, у першую чаргу сельская гаспадарка. Рыхтуецца сур'ёзны кантракт на пастаўку беларускай тэхнікі. У Судан адправіцца партыя трактароў МТЗ. Не выключана, што ў выніку сённяшніх перамоў будзе падпісаны вялікі пакет кантрактаў, агульная сума якога перавысіць гадавы тавараабарот.
Нагадаем, Кіраўнік беларускай дзяржавы і члены афіцыйнай дэлегацыі прыбылі ў Хартум напярэдадні. Чакаецца, што сёння бакі адобраць пакет дакументаў аб развіцці ўзаемадзеяння ў розных сферах. У прыватнасці, анансавана падпісанне дагавора аб дружалюбных адносінах і супрацоўніцтве паміж Беларуссю і Суданам. Адначасова з афіцыйнымі перамовамі ў прэзідэнцкім палацы ў Хартуме праходзіць беларуска-суданскі дзелавы форум. Асаблівую ўвагу бізнесмены надалі пытанням супрацоўніцтва ў паліўна-энергетычнай сферы.
Падрабязнасці другога дня афіцыйнага візіту Прэзідэнта Беларусі ў Судан у нашых наступных выпусках.
