Прэзідэнт задаволены праведзенымі працамі па рэканструкцыі дзеючага аэравакзальнага комплексу Нацыянальнага аэрапорта Мінск. Такую ацэнку Аляксандр Лукашэнка даў сёння, наведваючы аб'ект. Кіраўнік дзяржавы азнаёміўся з тым, як ідзе мадэрнізацыя, як арганізавана абслугоўванне пасажыраў, у тым ліку ў ВІП-зоне, агледзеў зону прылёту. Прэзідэнта запэўнілі, што ў аэрапорце не будзе ніякіх праблем з абслугоўваннем гасцей маючага адбыцца чэмпіянату свету па хакеі. Кіраўнік дзяржавы параўнаў, як працуюць прыватныя і дзяржаўныя магазіны бязмытнага гандлю, і гэтае параўнанне апынулася не на карысць дзяржкампаній. Затым у будынку аэрапорта адбылася нарада, дзе абмяркоўваліся перспектывы развіцця паветранага порта краіны і прылеглых тэрыторый.
Яшчэ адной тэмай гутаркі стала праца Мінскага авіярамонтнага завода. Аляксандр Лукашэнка даручыў да канца года распрацаваць канцэпцыю яго развіцця.
Акрамя таго, абмеркавалі тэму будаўніцтва другой узлётна-пасадачнай паласы. Прэзідэнт прапаноўвае разгледзець магчымасць рэалізаваць гэты праект сваімі намаганнямі. Больш падрабязна аб гэтым - у праграме Панарама.