Сёння гэта і галоўны прадмет размовы Прэзідэнта з кіраўніком Дзяржкамітэта судовых экспертыз. Амаль 5 гадоў таму ведамства было створана ў выніку рэформ судова-экспертнай сістэмы. Тады стала зразумела, што структуры патрэбен асаблівы статус. Бо ад працы гэтых спецыялістаў залежыць не проста пошук ісціны ў крымінальных, адміністрацыйных або эканамічных справах, але часта лёсы і жыцці людзей. Стварэнне дзяржкамітэта дазволіла павысіць эфектыўнасць працы і вырашыць шматгадовыя праблемы - ад недахопу фінансавання і раз'яднанасці да зносу абсталявання і кадравых пытанняў.
Сёння ўжо можна гаварыць, што цалкам вырашана праблема аператыўнасці экспертнага суправаджэння барацьбы са злачыннасцю. Штогод дзяржкамітэт праводзіць звыш 340 тысяч судовых экспертыз і даследаванняў. Іх колькасць павялічылася ў некалькі разоў. Усе даследаванні выконваюцца максімум за месячны тэрмін. Роля экспертаў у расследаванні крымінальных спраў пастаянна расце. Прэзідэнт прывёў прыклад таго, калі справядлівага рашэння ўдалося дабіцца толькі пасля ўмяшання на вышэйшым узроўні.
Сёлета спаўняецца 5 гадоў з моманту стварэння Дзяржкамітэта судовых экспертыз. У сувязі з гэтым у Беларусі прапануецца ўстанавіць новае прафесійнае свята. Дата - 22 красавіка. Гэта дзень падпісання Прэзідэнтам указа аб стварэнні ведамства. Што змянілася за гэтыя гады ў працы структуры? Якія нюансы і сакрэты ёсць у прафесіі судмедэксперта? Наколькі аператыўна спецыялісты здольныя рэагаваць на вынаходлівасць і выкрутлівасць злачыннага свету і на найноўшыя тэхналогіі ў крымінальнай сферы? Пра ўсё гэта па выніках сустрэчы з Кіраўніком дзяржавы ў эксклюзіўным інтэрв'ю распавёў Старшыня Дзяржкамітэта судовых экспертыз Андрэй Швед. Новы праект Агенцтва тэленавін "Размова ў Прэзідэнта" глядзіце сёння адразу пасля "Панарамы".
