Прэзідэнт сабраў Савет бяспекі: па селектары на сувязі губернатары
Па відэасувязі да дыскусіі далучыліся і кіраўнікі рэгіёнаў. Размова ішла ў тым ліку наконт уборачнай кампаніі ў краіне.
Ураджай сёлета можа скласці 10,5 млн тон збожжа
На гэта мабілізаваны ўсе сілы. Тэрміны, якасць, тэхналогіі і дысцыпліна - тое, што павінна выконвацца няўхільна, каб без страт сабраць усё да зярнятка. А сёлета па плане ўраджай павінен скласці сумарна 10,5 мільёна тон збожжа.Прэзідэнт: наперадзе яшчэ шмат працы, каб убраць багаты ўраджай і быць упэўненымі ў будучыні
З усіх бакоў зараз мы бачым наўмысна штучнае нагнятанне грамадска-палітычнай сітуацыі. Многія беларусы сутыкнуліся з маральным прэсінгам. І, на жаль, гэта не адзіны націск. Паступаюць прамыя пагрозы ў адрас сем'яў вайскоўцаў, міліцыі, спецслужбаў, дзяржслужачых, журналістаў. Паралельна атакуюць рабочых прадпрыемстваў. На такім фоне, вядома, складана сканцэнтравацца на выкананні службовых абавязкаў.
Прэзідэнт падзякаваў рабочым на прадпрыемствах і заклікаў не хаваць вочы ў асфальт
Апошнім часам з'явілася шмат ахвотнікаў прааналізаваць сітуацыю ў Беларусі. Асабліва актыўны Захад. Усе нібы забылі аб праблемах унутры сваіх краін: як быццам няма пратэстаў у ЗША, у Германіі супраць каранавіруснай ізаляцыі. Ужо мала хто памятае пра разгон "жоўтых камізэлек". Затое не супраць параіць, як жыць і што рабіць Беларусі.
Прэзідэнт кіраўніцтву на Захадзе: не трэба ківаць на Беларусь, каб адвесці ўвагу ад сваіх праблем
Зараз нават разважнаму чалавеку часам вельмі цяжка разабрацца ў патоку інфармацыі: дзе праўда, а дзе хлусня. Час фэйкаў. Так, на днях у Сетцы з'явіліся паведамленні, якія суправаджаюцца фатаграфіямі і відэа, нібы Расія сцягнула войскі да Беларусі - рыхтуецца ваенная аперацыя. Гэты ўкід аб замежнай ваеннай прысутнасці ў краіне сёння Прэзідэнт абверг публічна. Пакуль хтосьці стварае ілюзію ваеннай дапамогі ад Расіі, іншыя, наадварот, лабіруюць антырасійскую рыторыку. Размова пра створаны апазіцыяй каардынацыйны штаб і яго праграму, пункты якой па ўсіх франтах відавочна супраць саюзніцтва. Зрэшты, мяркуючы па актыўнасці, канкурэнцыя сярод ахвотнікаў папоўніць шэрагі апазіцыйнага штаба, сур'ёзная.
Прэзідэнт аб штабе апазіцыі: у краіне няма такой колькасці партфеляў, колькі вас стаіць у чарзе
Дарэчы, літаральна напярэдадні прэзідэнт даручыў ураду і Адміністрацыі прайсціся па кожным пункце апазіцыйнай праграмы і расказаць грамадскасці, да якіх наступстваў для краіны гэта можа прывесці. Аляксандр Лукашэнка падкрэсліў, што любыя перамены павінны ажыццяўляцца ў рамках заканадаўства і прававога поля. У адваротным выпадку гэта прывядзе да цяжкіх наступстваў. Работа над новай Канстытуцыяй працягваецца і будзе актывізавана. Наколькі абноўлены варыянт падтрымае насельніцтва - ад гэтага будзе залежаць хуткасць яе прыняцця. І толькі потым ужо па Канстытуцыі можна весці дыскусіі аб перавыбранні органаў улады. Гэта пазіцыя беларускага лідара. Падрабязнасці ў нашых наступных выпусках.
Прэзідэнт падвёў вынікі Савета бяспекі: вярнуць людзям спакойную краіну
Па выніках Савета бяспекі прагучалі канкрэтныя даручэнні па ўсіх кірунках. Яны датычацца пытанняў стабілізацыі становішча ў краіне.
Дзяржпагранкамітэту: узмацніць ахову меж
Міністэрству абароны асаблівую ўвагу варта надаць перамяшчэнню войскаў НАТА
Даручэнне МУС: не дапускаць беспарадкаў у краіне
КДБ: спыняць дзеянні арганізатараў вулічных беспарадкаў і выкрываць каналы фінансавання
Задача МЗС: даводзіць да кіраўнікоў заходніх дзяржаў інфармацыю аб сітуацыі ў Беларусі
СМІ павінны актывізаваць працу
Урад забяспечыць рэалізацыю і кантроль даручэнняў па бесперабойнай працы прадпрыемстваў
Гэта значыць, Аляксандр Лукашэнка арыентуе ўрад на тое, каб аказаць падтрымку кіраўнікам прадпрыемстваў у арганізацыі вытворчага працэсу. Апроч іншага, ніхто не адмяняў рашэнне паўсядзённых задач, ад якіх залежыць жыццё людзей.
