Кадры для краіны, як, уласна, і кадры для АПК - паняцці ўсёабдымныя. Гэта пытанне знаходзіцца на пастаянным кантролі Прэзідэнта. Як павысіць эфектыўнасць аграрнай галіны, і хто тыя спецыялісты, ад якіх залежыць харчовая бяспека краіны? Яшчэ ў пачатку вясны Кіраўнік дзяржавы падпісаў адзін з найважнейшых дакументаў - Дырэктыву №6. Па-сутнасці - гэта дарожная карта з задачамі, якія дапамогуць вывесці вытворчасць сельгаспрадукцыі на новы ўзровень. Асаблівая роля - менавіта кваліфікаваным кадрам. Бо ад майстэрства аграномаў, жывёлагадоўцаў, механізатараў залежаць эканамічныя поспехі краіны і будучыня вёскі. 2321 спецыяліст - такі штогадовы заказ дзяржавы аграрным ВНУ краіны.
Уладзімір Самсонавіч, начальнік галоўнага ўпраўлення Міністэрства сельскай гаспадаркі і харчавання Беларусі: "Мы іх рэгулюем у залежнасці ад патрэбнасці на адну спецыяльнасць, улічваючы забяспечанасць, узроставы цэнз, глядзім, якасны склад. І фарміруем кантрольныя прыёмы на чарговы год. Так за апошнія гады мы значна паменшылі набор на эканамічны профіль - там у нас змяняемасць менш. І на тэхналагічны павялічылі. Гэта ў першую чаргу, заатэхнія, ветэрынарная медыцына, аграномія - гэтыя лічбы мы дадалі".
Ці гатовы новаспечаныя спецыялісты акунуцца ў свет сучаснай вытворчасці, і чаму вёска па-ранейшаму пакутуе ад недахопу кадраў? Глядзіце ў сераду новую серыю праекта "На кантролі Прэзідэнта. Кадры для АПК".
"На кантролі Прэзідэнта. Кадры для АПК". Глядзіце ў сераду пасля "Панарамы"
16 сентября 2019
