Аб развіцці эканамічных кантактаў напярэдадні ішла размова ў Палацы Незалежнасці на сустрэчы Аляксандра Лукашэнкі з міністрам замежных спраў Латвіі.
У апошні час палітычны дыялог ідзе па нарастаючай - гэта дае дадатны эфект узаемнаму гандлю. Летась ён перавысіў паўмільярда долараў, але патэнцыял куды больш. Кантакты паміж краінамі зараз імкліва развіваюцца на міжведамасным узроўні. Ідзе актыўны парламенцкі дыялог. Радуе і супрацоўніцтва рэгіёнаў. Па-суседску Латвія зацікаўленая таксама ў нармалізацыі адносін Беларусі з ЕС і актыўна спрыяе наладжванню гэтага дыялогу.
Кіраўніка беларускай дзяржавы чакаюць у Рызе - ідзе падрыхтоўка візіту. Латвія разлічвае на насычаныя палітычныя і эканамічныя перамовы. Нядаўна ў гэтай прыбалтыйскай дзяржаве выбралі новага прэзідэнта. Вядома, пачынаць з нуля не прыйдзецца, але, усё-такі, асновай сустрэчы на вышэйшым узроўні павінен быць добры эканамічны падмурак і пэўныя праекты. Ну, а яшчэ больш Мінск і Рыгу аб'яднае маючая адбыцца спартыўная падзея - у 2021 годзе дзве сталіцы будуць прымаць сусветны чэмпіянат па хакеі.
Мінск і Рыга настроены сур'ёзна пашырыць супрацоўніцтва
27 июля 2019