Міжрэгіянальныя сувязі адыгрываюць вялікую ролю ў кантактах Мінска і Пекіна. Аб гэтым заявіў Прэзідэнт Беларусі на сустрэчы з дэлегацыяй з КНР. У нашай краіне прадстаўнічая група з правінцыі Хунань пад кіраўніцтвам мэра цэнтральнага горада Чанша і прэзідэнтам машынабудаўнічай карпарацыі "Зумліён".
За 25 гадоў з моманту ўсталявання дыпадносінаў паміж краінамі пройдзены вялікі шлях. І сёння ў стратэгічных партнёраў няма закрытых тэм. Мінпрам Беларусі і кампанія "Зумліён" падпісалі мемарандум аб супрацоўніцтве. Гэта буйная карпарацыя - адзін з лідараў КНР па вытворчасці спецтэхнікі для сельскай гаспадаркі, энергетыкі, будаўніцтва і транспартнай сферы. Доследныя ўзоры будаўнічых кранаў ужо сабраныя на магілёўскім заводзе. Частка акцый кітайскай кампаніі належыць ураду правінцыі Хунань. Гэта буйны рэгіён на паўднёвым усходзе Кітая па плошчы параўнальны з Беларуссю, дзе пражывае 67 мільёнаў чалавек.
