Аб гэтым напярэдадні заявіў Прэзідэнт Беларусі Аляксандр Лукашэнка, узгадняючы прызначэнні кіраўнікоў раённага і рэгіянальнага ўзроўняў. Гэта сем новых старшынь райвыканкамаў, а таксама першы намеснік кіраўніка Віцебскага аблвыканкама - ім стаў Алег Мацкевіч. Для паўночнага рэгіёна, як і для ўсёй краіны, галоўнае выпрабаванне зараз уборачная кампанія. Да 1 кастрычніка ў старшынь райвыканкамаў асаблівы статус. Рашэнні па ўборачнай, якія прымаюць на гэтым узроўні, можа аспрэчыць толькі губернатар. На гэтым Кіраўнік дзяржавы зрабіў акцэнт і на нядаўняй селектарнай нарадзе.
Усяго новыя пасады атрымалі 18 чалавек. Прэзідэнт узгадніў і прызначэнне некаторых кіраўнікоў буйных прадпрыемстваў, такіх, як "Віцязь", "Мінскі завод шасцерняў" і "Барысаўскі завод аўтатрактарнага электраабсталявання".
