Прэзідэнт Аляксандр Лукашэнка сустрэўся з мітрапалітам Мінскім і Заслаўскім Паўлам, Патрыяршым Экзархам усяе Беларусі. Мітрапаліт Павел закрануў тэму будаўніцтва новага комплексу адміністрацыйных будынкаў для БПЦ на тэрыторыі, якая прылягае да цяперашняга будынка Мінскай епархіі. За больш чым тры дзесяцігоддзі колькасць прыходаў у краіне вырасла ў пяць разоў - сёння іх больш як 1600, дзейнічае 15 епархій. Такім чынам, ранейшы будынак проста не адпавядае патрабаванням часу. Прэзідэнт у цэлым пагадзіўся з ініцыятывай будаўніцтва, калі ўзнікла такая неабходнасць. Плануецца, што для рэалізацыі праекта будзе створаны царкоўны апякунскі савет.
Павел, мітрапаліт Мінскі і Заслаўскі, Патрыяршы экзарх усяе Беларусі:
"Расце наша паства, і мы плануем храм зрабіць дамавым, мы жадаем там зрабіць сінаідальную залу і, можа быць, нават гасцінічныя нумары для нашых архірэяў і гасцей ганаровых".
Адміністрацыйныя будынкі Беларуская Праваслаўная Царква пабудуе за кошт уласных сродкаў і інвестарскай дапамогі. Таксама фінансавымі пытаннямі зоймецца царкоўна-апякунскі савет. Аляксандр Лукашэнка і Мітрапаліт Павел таксама абмеркавалі пытанні ўзаемадзеяння царквы і дзяржавы. Падчас размовы было закранута пытанне планаванай сустрэчы Кіраўніка дзяржавы з членамі Сінода Беларускай Праваслаўнай Царквы.
